5 Books of Set Ehd E Nabvi عہد نبوی کی 5 کتابوں کا مجموعہ

4 reviews for 5 Books of Set Ehd E Nabvi عہد نبوی کی 5 کتابوں کا مجموعہ

1. 

   Rated 4 out of 5

   Haji Saifullah Khan – November 3, 2024

   The best

2. 

   Rated 5 out of 5

   Saima kanwal (verified owner) – December 11, 2024

   I received my set of 5 books. The quality of the paper and printing was amazing. I have never experienced such quality in my online shopping of the books before.

3. 

   Rated 4 out of 5

   Muhammad Faheem Aalam – April 25, 2025

   💟عہد نبویﷺ کی سیر کرانے والی ٹائم مشین💟
   سیرت النبیﷺ شاید وہ واحد موضوع ہے کہ جس پر جتنا بھی لکھا جائے کم ہے، اس کی ایک ایک جہت پر بیسیوں انداز میں لکھا گیا، سیکڑوں مصنفین نے قلم پاشی کی، لیکن پھر بھی ہر لکھنے والےکو یہی محسوس ہوا کہ حق ادا نہ ہو سکا، تشنگی رہ گئی، جن چند سیرت نگاروں نے سیرت النبیﷺ کے منفرد اور تحقیق کے لحاظ سے ذرا مشکل موضوعات پر قلم اٹھایا۔۔۔ان میں پروفیسر ڈاکٹر یٰسین مظہر صدیقی رحمۃ اللہ علیہ کانام سر فہرست ہے۔۔۔۔ان کی کتبِ سیرت کی فہرست دیکھیں تو دل اش اش کر اٹھتا ہے۔۔۔۔کہ جن موضوعات پر اُردو تو کیا عربی سمیت دیگر زبانوں میں بھی کام نہیں ہوا۔۔۔۔ ڈاکٹر صاحب نے ان پر قلم اٹھایا تو حقیقتاً حق ادا کر دیا۔
   آپ ان کی حال ہی میں شائع کی گئی ”عہد نبویﷺ سیریز“ کی مندرجہ ذیل 5 کتابیں ملاحظہ فرمائیے اور تصور کیجیے کہ ڈاکٹر صاحب نے کس قدر عرق ریزی سے مطلوبہ مواد مستند کتب سے تلاش کیا ہو گا، پھر اس کی تحقیق و تخریج اور ترتیب پر کس قدر وقت خرچ کیا ہوگا۔
   بے شک یہ وہ عظیم الشان کام ہے کہ جن کا اجر اللہ تعالیٰ ہی کے پاس ہے، اللہ تعالیٰ انھیں بہترین اجر عطا فرمائے،آمین!

   ان کتب میں عہدی نبویﷺ کی تہذیب و تمدن اور طرز معاشرت کو تفصیل سے بیان کیا گیا ہے ۔۔۔بھئی میں تو کہتا ہوں کہ آپ کی لائبریری (اگر ہے تو) ان کتب کے بغیر ادھوری ہے، یوں سمجھیے یہ کتب ایک عدد ٹائم مشین کی طرح ہیں ،صفحہ پلٹتے ہی آپ رسولﷺ کے مبارک عہد میں پہنچ جائیں گے۔۔۔۔یہ کتابیں آپ کو عہد نبویﷺ کی سیر کروائیں گی۔۔۔ رسولﷺ اور صحابہ کرام کے بہترین زمانے کو کھلی آنکھوں سے دیکھ سکیں گے۔۔۔۔
   اس زمانے کے کھیل کیا تھے؟تعمیرات کیسے کی جاتی تھیں۔۔۔کون کون سے لباس زیب تن کیے جاتے تھے۔۔۔۔کھانےاور مشروبات کیا تھے۔۔۔۔تہوار کیسے منائے جاتے تھے۔۔۔۔۔زیورات کیسے تھے وغیرہ وغیرہ۔
   ان کتابوں کی سب سے بڑی خوبی یہ ہے کہ یہ تحقیقی ہونے کے ساتھ ساتھ اس قدر دلچسپ ہیں کہ آپ ان میں کھو کر رہ جائیں گے۔ آپ کا تصور آپ کو اس دور مبارک میں لے جائے گا اور پورا مدینہ منورہ آپ کے سامنے ہو گا۔
   یہاں بچے کھیل کھیل رہے ہیں تو وہاں خواتین گھریلو کام کاج کر رہی ہیں۔ یہ ایک صحابی کا دو منزلہ مکان ہے تو وہ سامنے مکان کے سامنے عریش بنایا جا رہا ہے ۔
   یہاں حضور پاکﷺ کی ازواج مطہرات کے گھر ہیں تو ساتھ ہی حضرت فاطمۃ الزہراء رضی اللہ عنہا کا کاشانہ مبارک ہے۔
   وہ دیکھیں حضرت سعد بن عبادہ خزرجی اپنے گھر سے کھانے کے تحفہ لے کر حضورﷺ کے دربار میں آ رہے ہیں ۔
   وہ دیکھیں مسجد نبوی کے اندر کھجور کے خوشے مہمان طالب علموں کے لیے لٹکا دیے گئے ہیں۔
   اللہ اللہ کیا ہی قیمتی کتب ہیں۔۔
   مصنف نے ایک ایک لفظ محبت اور عقیدت سے لکھا ہے۔ میری ناقص رائے میں یہ کتاب ہر گھر کی ضرورت ہے ۔

   محمد فہیم عالم

4. 

   Rated 5 out of 5

   Muhammad Faisal Ali – April 25, 2025

   یہ پانچوں کتابیں نہ صرف رسول اللہ صلی اللہ علیہ وسلم کے مبارک دور کی تہذیب و تمدن کا آئینہ ہیں بلکہ قاری کو عہدِ نبوی کی روحانی فضا میں لے جانے والی ایک علمی ٹائم مشین بھی ہیں۔ پروفیسر ڈاکٹر یٰسین مظہر صدیقی رحمہ اللہ جیسے معتبر اور عظیم سیرت نگار کی تحقیقی بصیرت ان کتابوں میں جھلکتی ہے، جنہوں نے سیرتِ طیبہ کو صرف واقعات کا مجموعہ نہیں سمجھا بلکہ اس کے سماجی، معاشرتی اور تمدنی پہلوؤں کو بھی اجاگر کیا ہے۔
   یہ کتب محض معلوماتی نہیں بلکہ شعور و فہم کی نئی جہتیں وا کرتی ہیں۔ “عہدِ نبوی کی تعمیرات” ہمیں اس دور کی سادہ مگر پائیدار عمارات کے بارے میں بتاتی ہے، جہاں مادیت سے زیادہ مقصدیت مقدم تھی۔ “آرائشِ بدن” میں ظاہری صفائی، خوشبوؤں، اور سادہ مگر پاکیزہ زیبائش کے وہ اصول بیان کیے گئے ہیں جو آج کے انسان کو بھی اعتدال کا درس دیتے ہیں۔
   “کھیل اور تفریحات” کی کتاب عہدِ نبوی کے پاکیزہ مشاغل کا عکس ہے، جو جسمانی صحت، ذہنی توازن اور باہمی محبت کا ذریعہ تھے۔
   “لباس” پر لکھی گئی کتاب سادگی، وقار اور وقافہ کے حسین امتزاج کو سامنے لاتی ہے، جبکہ “کھانے اور مشروبات” کی کتاب سے ہمیں اس مبارک دور کے طرزِ خور و نوش کی مکمل جھلک ملتی ہے جو فطرت، صحت اور برکت سے لبریز تھی۔

   ان کتابوں کی طباعت بھی ان کے علمی معیار سے ہم آہنگ ہے — دیدہ زیب سرورق، اعلیٰ کاغذ، مضبوط جلد اور حوالہ جات سے مزین مواد۔ یہ کتب ہر اس قاری کے لیے لازمی ہیں جو سیرتِ طیبہ کو صرف پڑھنا نہیں بلکہ “جینا” چاہتا ہے۔

   گویا ان صفحات کو پڑھتے ہوئے قاری یوں محسوس کرتا ہے جیسے وہ مدینہ کی گلیوں میں چل رہا ہو، مسجدِ نبوی کے سائے میں بیٹھا ہو، صحابہ کرام کے لباس اور خوراک کو دیکھ رہا ہو، اور اللہ کے رسول صلی اللہ علیہ وسلم کے پاکیزہ معاشرے کا براہِ راست مشاہدہ کر رہا ہو۔

   یہ کتابیں نہ صرف طلبہ، محققین اور اساتذہ کے لیے مفید ہیں بلکہ عام قاری کے لیے بھی سیرت النبی صلی اللہ علیہ وسلم کو عملی زندگی میں سمجھنے اور اپنانے کا ایک مؤثر ذریعہ ہیں۔میں نے اس سے پہلے اس قدر شان دار اور ایمان افروز کتابیں نہیں پڑھیں۔انھیں پڑھنے کے بعد سرکار دوعالم صلی اللہ علیہ وسلم سے محبت و عقیدت میں اضافہ ہوا اور میرے خیال میں یہی سب سے قیمتی سرمایہ ہے ۔
   تحقیقی کتابیں عام طور پر خشک ہوتی ہیں لیکن یہ کتاب دلچسپی سے معمور ہے اور معلومات کا اتنا بڑا خزانہ ہے کہ آپ قدم قدم پر حیران رہ جائیں گے اور آپ کا دل چاہے گا کہ یہ اہم بات میں اپنے متعلقین سے بھی شیئر کروں ۔
   یہ کتابیں ٹائم مشین کی طرح ہمیں ماضی میں لے جائیں گی اور ماضی بھی وہ جو اس دنیا کا سب سے قیمتی ماضی تھا۔۔جس ماضی میں ہمارے حال اور مستقبل کی کامیابی کی روشنیاں ہیں۔۔جس ماضی میں سرکار دوعالم صلی اللہ علیہ وسلم ہیں۔۔
   سبحان اللہ! کتنی عظیم الشان کتابیں ہیں یہ۔۔اللہ تعالیٰ ان کتابوں کے لکھنے والے ، چھاپنے والے اور پڑھنے والے تمام احباب کو حضور اکرم صلی اللہ علیہ وسلم کی شفاعت نصیب فرمائے آمین ثم آمین ۔