Rasail Min Umar Bin Al-Khattab – Adham Sharqawi  Rasail Series in Urdu Translation available in Pakistan at KitaabNagar .com

Rasail Min Umar Bin Al-Khattab

یہ اس عظیم شخصیت، حضرت عمر بن خطاب رضی اللہ تعالیٰ عنہ کے بصیرت افروز پیغامات کا مجموعہ ہے، تاریخِ انسانی جس کی دوسری کوئی نظیر پیش کرنے سے قاصر ہے۔ وہ کل بھی یکتا تھے، آج بھی بے مثال ہیں اور ہمیشہ ایک ایسے منفرد انسان رہیں گے جو دوبارہ کبھی پیدا نہیں ہوتا!
یہ اُسی مردِ حق کے پیغامات ہیں جس نے دارِ ارقم میں کلمۂ شہادت کا قلادہ اپنے گلے میں سجا کر اسلام کو قوت و وقار عطا کیا اور پھر اُس وقت تک نبھایا جب محراب میں جامِ شہادت نوش فرما کر اپنے رب سے جا ملے۔
یہ اُس ہستی کے فرامین ہیں جس کا قبولِ اسلام دین کی عزت و رفعت بنا، جس کی ہجرتِ مدینہ ایک جرأت مندانہ قربانی اور حق کی نصرت بنی، اور جن کا دورِ خلافت اُمتِ مسلمہ کے لیے سراپا رحمت و شفقت ثابت ہوا۔
یہ ایک دانا، الہام یافتہ اور صاحبِ بصیرت رہنما کے ارشادات ہیں۔ یہ کتاب زندگی، عقیدہ و ایمان، طرزِ حکمرانی، سیرت و کردار، گھریلو زندگی، باہمی روابط، محبت اور معاملات کے متعلق اُن کے زرّیں اقوال اور مواقف کا ایک دلنشین گلدستہ ہے۔